1993-cü ilin noyabr ayında 3 sinif və 6 müəllimlə fəaliyyətə başlayan Ağdaş Özəl Türk Liseyi pedaqoli kollektivinin əzmi, çalışmaq, əsil vətəndaş, insan yetişdirmək iradəsini ortaya qoyması öz bəhrəsini verdi - növbəti tədris ilində lisey siniflərinin sayı artdı, şagirdlərin sayı 130-a çatdı. Bu, bir tərəfdən məktəb pedaqoji kollektivinin etimada sədaqəti ilə izah edilirsə, digər tərəfdən də rayon rəhbərliyinin, yerli əhalinin təhsilə verdiyi əhəmiyyətdən, ən başda da qonaqpərvərliyindən, qardaş Türkiyəyə və türk xalqına sevgisi, etibarından qaynaqlanırdı.

Qısa vaxt ərzində Ağdaş Özəl Türk Liseyinin pedaqoji kollektivi rayon və bölgə əhalisinin rəğbətini qazana bilmişdir. Səbəb – kollektivin nə iş gördüyünü, nə üçün fədakarlıq etdiyini dərk edərək əzmlə, sevərək çalışmasıdir. Azərbaycanın bu gününə və gələcəyinə sədaqətlə xidmət edən və əsil insan yetişdirməyi qarşısına məqsəd qoyan pedaqoji kollektiv Ağdaş Özəl Türk Liseyinin simasında bölgədə müasir məktəb təsəvvürünü oyada bilmiş və bir sıra sahələrdə nümunə meyarı ola bilmişdir. Burada şagirdlər ən müasir təlim şəraiti və vasitələri ilə, lazım olan hər cür iaşə, kommunal, məişət, tibbi-sağlamlıq, mədəni xidmətlərlə təmin olunmuşlar.

Liseyin şagirdlərinin Respublika və Beynəlxalq olimpiadalarda, ali məktəblərə qəbul imtahanlarında qazandığı yüksək nailiyyətlər rayon rəhbərliyi, bölgənin ictimaiyyatı və valideyinlər tərəfindən təqdirlə qarşılanır.